Ákveðin vatnaskil

Vaninn er sterkur og bragðlaukarnir taka ekki hverju sem er. Þótt ég borði miklu minna nammi en hér áður fyrr, finnst mér stundum gott að stelast í svolítið gotterí og held þá fast við fornar hefðir.

 

Fjólublár Lakerol kemur þar sterkur inn. Og ekki síður blár Opal sem bragðast ekki eins og annað nammi, skilur eftir sig seiðandi eftirbragð og nánast kallar á aðra pillu þegar sú fyrri hefur bráðnað uppi í manni.

 

Og nú er búið að taka þessa nautn frá manni. Ekkert má lengur! Þeir eru hættir að framleiða bláa Opalinn - það eru ákveðin vatnaskil, eins og sést á þessari myndskreytingu sem ég fékk senda í tölvupósti.

Auðvitað er alltaf hægt að dramatísera alla hluti, en því verður samt ekki á móti mælt að í þessum efnum verður ekkert eins og áður.

- Björn Ingi

Powered by Hexia